Bəyin qız dostu elə plakatla toya gəldi ki... — Sosial media onlardan danışır

Toy məclislərinin birində qonaqlardan birinin nümayiş etdirdiyi qeyri-adi hərəkət həm toy əhlini, həm də sosial şəbəkə istifadəçilərini təəccübləndirib. Türkiyədə gənc qadının bəy üçün hazırladığı gözlənilməz "sürpriz" ətrafdakıların təəccüb dolu baxışlarına səbəb olub.

Arasdırma.org xəbər verir ki, yaxın dostunun toyuna qatılan qadın məclisə əlində böyük pankartla daxil olub. Pankartın üzərindəki “Geri qaytarılmır, yeni sahibinə xeyirli olsun” sözləri bəy və gəlinlə yanaşı, qonaqlar tərəfindən də maraqla qarşılanıb. Həmin anlar ətrafdakı insanlar tərəfindən lentə alınaraq internetdə paylaşılıb.



Qısa müddət ərzində minlərlə baxış toplayan görüntülər müzakirələrə yol açıb. İstifadəçilərin böyük əksəriyyəti bu mənzərəni “Daha nələr görəcəyik” sözləri ilə şərh edərək heyrətlərini gizlətməyiblər. Videonun altına yazılan şərhlərdə bu zarafatın yerində olub-olmaması ilə bağlı müxtəlif fikirlər irəli sürülüb.//demokrat