Makrondan KRİTİK AÇIQLAMA: "Fransa Avropada yüksək intensivlikli müharibəyə hazır olmalıdır"

"Fransa Avropa qitəsinə qayıda biləcək yüksək intensivlikli müharibəyə hazır olmalıdır".

Arasdırma.info "Liberation" istinadla xəbər verir ki, bunu ölkə prezidenti Emmanuel Makron Parisdə keçirilən seçki kampaniyası zamanı bildirib.

Makron çıxışında Fransanın 2025-ci ildə müdafiə büdcəsinin 50 milyard avro olacağını açıqlayıb, halbuki hazırda bu, 40 milyard avrodan bir qədər çoxdur.

Onun sözlərinə görə, Fransa kosmosda və kiberməkanda yeni növ münaqişələr fonunda çevik olmalıdır.

Makron bildirib ki, o, qabaqcıl texnologiyaya sərmayə qoymaq və qitəyə qayıda biləcək yüksək intensivlikli müharibəyə hazır olmaq üçün investisiyaları gücləndirmək istəyir.

O, həmçinin silahlı qüvvələrdə ehtiyatda olan əsgərlərin sayının iki dəfə artırıldığını, polis və jandarmların sayının isə əlavə təfərrüatlar olmadan artırıldığını açıqlayıb.

Xəbər verdiyimiz kimi, rəy sorğuları Maronun Ukraynadakı vəziyyəti azaltmaq üçün vasitəçilik səylərinin onun reytinqinə müsbət təsirini göstərib .

Fransa prezidentinin Almaniya kansleri və Vladimir Putinlə sonuncu söhbəti martın 12-də olub.

Makron əvvəlki danışıqlarda ona təsir edə bilməməsinə baxmayaraq, Rusiya prezidenti ilə danışmağa çalışacağını bildirib.//publika