ATU-də nə baş verir? Rektora qarşı ittihamlar...

ATU-də qalmaqal böyüyür: Rektor Yaşar Ömərov haqqında ağır ittihamlar
Azərbaycan Texnologiya Universitetində (ATU) rektor Yaşar Ömərovla bağlı səsləndirilən iddialar təhsil ictimaiyyətində ciddi müzakirələrə səbəb olub.
Arasdırma.org bildirir ki, “Real Azərbaycan”ın əldə etdiyi məlumata görə, rektor yaxın çevrəsində Elm və Ali Təhsil üzrə Dövlət Agentliyinin direktoru Ülkər Səttarovanın yaxın zamanda Elm və Təhsil naziri vəzifəsinə gətiriləcəyini iddia edir. Qeyd olunur ki, hazırkı nazir Emin Əmrullayevin yaxın çevrəsinə aid edilən bir şəxsin bu cür proqnozlar verməsi birmənalı qarşılanmır və müxtəlif şərhlərə yol açır.
İddialar bununla da məhdudlaşmır. Bildirilir ki, rektorun adı qeyri-rəsmi maliyyə münasibətlərində də hallanır. Lakin bu məlumatlar rəsmi şəkildə təsdiqlənməyib və müvafiq qurumların araşdırmasına ehtiyac var.
Ağır ittihamlar və məhkəmə prosesi
Məlumatlarda qeyd olunur ki, Yaşar Ömərovun fəaliyyəti ilə bağlı Gəncə şəhərində hüquq-mühafizə orqanları tərəfindən araşdırmalar aparılıb.
İddialara əsasən, onun barəsində külli miqdarda vəsaitin mənimsənilməsi, vəzifə səlahiyyətlərindən sui-istifadə və digər maddələrlə cinayət işi açıldığı bildirilir. İşin məhkəməyə göndərildiyi deyilsə də, bu barədə rəsmi və yekun qərar açıqlanmayıb.
Universitet daxilində iddia olunan pozuntular
ATU daxilində maliyyə və idarəetmə ilə bağlı müxtəlif iddialar da səsləndirilir. Məlumatlara görə, bəzi vəsaitlərin qeyri-şəffaf şəkildə idarə olunduğu, həmkarlar və tələbə təşkilatları üzərindən müəyyən maliyyə axınlarının həyata keçirildiyi iddia edilir.
Eyni zamanda, ayrı-ayrı şəxslərin vətəndaşları işə düzəltmək adı ilə aldadılması ilə bağlı məlumatlar da yayılıb.Etik müstəvidə müzakirələr Rektorun adı həm də etik normalarla bağlı qalmaqallarda çəkilir. Bu iddialar da hələlik təsdiqini tapmayıb və yalnız müxtəlif mənbələrə istinadən yayılır.
Araşdırma gözləntiləri səsləndirilən bütün bu iddialar cəmiyyət üçün həssas mövzular olduğundan, onların obyektiv şəkildə araşdırılması vacib hesab olunur. Rəsmi qurumların mövqeyi və aparılacaq yoxlamaların nəticələri məsələyə aydınlıq gətirə bilər.
Qeyd: Yazıda yer alan iddialar müxtəlif mənbələrə əsaslanır və hələlik rəsmi qurumlar tərəfindən tam təsdiqlənməyib.
Ardı var…